Bagong UMPIL Website, Inilunsad
Inilunsad ng Unyon ng mga Manunulat sa Pilipinas (UMPIL) ang www.Umpil.org noong ika-34 UMPIL National Convention na ginanap nitong Agosto 30. Nilalaman ng Umpil.org ang impormasyon tungkol sa kasaysayan ng organisasyon, mga kasapi, pamunuan, at ang taunang Kongreso. Mababasa rin ang listahan ng mga taunang nagwagi ng Gawad Pambansang Alagad ni Balagtas, Gawad Paz Marquez Benitez, at Gawad Pedro Bucaneg.
Itinatag noong 1974, ang UMPIL ay ang pinakamalaking samahan ng mga Filipinong manunulat sa bansa. Si V.E. Carmelo D. Nadera Jr. ang kasalukuyang tagapangulo.
Ang Umpil.org ay dinisenyo ni Sophia Lucero (Stellify.net), na siya ring lumikha ng disenyo ng pampanitikang lathalaang BulawanOnline.com. Si Phillip Kimpo Jr. (phillip.kimpo.ph) ang nagsisilbing webmaster.
Inilunsad din ng UMPIL ang sarili nitong Multiply account sa www.umpil.multiply.com. Ang Multiply ay isang popular na social networking at media sharing na website. Nagsisilbing photo album ng organisasyon ang Umpil.multiply.com. Inaanyahahan ang mga manunulat na mayroong Multiply account na idagdag ang UMPIL sa kanilang listahan ng Contacts.